சிரிப்பலையை ஏற்படுத்திய பேனர்...! இணையத்தில் வைரல்...!

by Vignesh Perumal on | 2025-07-07 04:24 PM

Share:

சிரிப்பலையை ஏற்படுத்திய பேனர்...! இணையத்தில் வைரல்...!

திண்டுக்கல் மாவட்டம், வடமதுரை அருகிலுள்ள வி. சித்தூரைச் சேர்ந்த கவியரசன் - மேட்டுத்திருக்காபுலியூரைச் சேர்ந்த காயத்ரி ஆகியோரின் திருமணம் இன்று (ஜூலை 7, 2025) கோலாகலமாக நடைபெற்றது. இந்தத் திருமண விழாவிற்கு வருகை தந்த அனைவரையும் நகைச்சுவை வாக்கியங்கள் அடங்கிய ஒரு வரவேற்புப் பேனர் வெகுவாகக் கவர்ந்து, சிரிப்பலையை ஏற்படுத்தியது. இந்தப் பேனர் தற்போது இணையத்தில் பரவலாகப் பகிரப்பட்டு வருகிறது.

திருமண வரவேற்பில் வைக்கப்பட்டிருந்த அந்தப் பேனரில், "காயத்திரி மனதை திருடிய குற்றத்திற்காக ஆயுள் தண்டனை விதிக்கப்படுகிறது... இருவீட்டாரின் சாட்சிகள்... திருமண சட்டப்படி" என்று குறிப்பிடப்பட்டிருந்தது.

தொடர்ந்து, "ஜூலை (07) வி.சித்தூரை சேர்ந்த கவியரசன் என்ற வாலிபர் மேட்டுத்திருக்காபுலியூரை சேர்ந்த காயத்திரி என்ற பெண்னை மண முடிக்க சென்ற இடத்தில் மணப்பெண்ணை பார்த்து மயங்கிய குற்றத்திற்காக (07.07.2025) திங்கட்கிழமை அன்று பெற்றோர்களால் திருமண (ஆயுள் தண்டனை) விதிக்கப்பட்டுள்ளது" என்றும், மணமக்கள் பெயர்களான "M.கவியரசன் - K.காயத்திரி" எனவும் அச்சிடப்பட்டிருந்தது.

மேலும், திருமண வாழ்வின் "தண்டனைகளாகப் பல நகைச்சுவை வாசகங்கள் அந்தப் பேனரில் இடம்பெற்றிருந்தன. "திருமணம் செய்யும் குற்றத்திற்காக... துணி துவைப்பது, வீடு கூட்டுதல், சமையல் செய்வது மேலும் அடிவாங்குதல், மிதி வாங்குதல் தண்டனையாகக் கிடைக்கும்" என்று குறிப்பிடப்பட்டிருந்தது. மணமக்களின் நண்பர்கள் இந்த நகைச்சுவை பேனரை வைத்து, தங்கள் வாழ்த்துகளையும் கேலியையும் வெளிப்படுத்தியுள்ளனர்.

வடமதுரை சுப்பையா நாயுடு திருமண மஹாலில் நடைபெற்ற ஒரு நிகழ்வில், விருந்தில் கறிக்கஞ்சி கிடைக்காததால் ஏற்பட்ட கைகலப்பில் 6 இளைஞர்கள் கைது செய்யப்பட்டு, பின்னர் ஜாமீனில் விடுதலை செய்யப்பட்டனர். இந்தச் சம்பவம் அப்பகுதியில் சலசலப்பை ஏற்படுத்தியது. சித்தூர் திருமண வீடு ஒன்றில், பந்தியில் வைக்கப்பட்டிருந்த பலகாரம் திருடிய குற்றத்திற்காக 2 இளைஞர்கள் கைது செய்யப்பட்டுள்ளனர். அவர்களுக்கு ஜாமீன் கிடைக்குமா என்ற எதிர்பார்ப்பு நிலவி வருகிறது என்று வசனங்கள் இடம்பெற்றிருந்தது.

இந்தச் சிறு சிறு சம்பவங்கள், திருமண விழாக்களில் ஏற்படும் உற்சாகமான, சில சமயங்களில் சுவாரஸ்யமான தருணங்களைப் பிரதிபலிக்கின்றன. மொத்தத்தில், கவியரசன் - காயத்ரி திருமணம், நகைச்சுவை பேனரால் அனைவரின் மனதிலும் ஒரு புன்னகையை ஏற்படுத்தி, இனிமையான நினைவுகளைப் பதிவு செய்தது.

நிர்வாக ஆசிரியர்- பா.விக்னேஷ்பெருமாள்.

WhatsApp Group Join Now