இந்து எழுச்சி முன்னணி..! இன்று முக்கிய தீர்மானங்கள்..!

by Vignesh Perumal on | 2025-05-04 09:19 PM

Share:

இந்து எழுச்சி முன்னணி..! இன்று முக்கிய தீர்மானங்கள்..!

தேனி மாவட்ட இந்து எழுச்சி முன்னணி அலுவலகத்தில் இன்று (04.05.2025) வார வழிபாடு நிகழ்ச்சி சிறப்பாக நடைபெற்றது. விஷ்வா ஃபில்டர் திரு பாலமுருகன் ஜீ தலைமையில் நடைபெற்ற இந்த நிகழ்ச்சியில், மாவட்ட துணைத் தலைவர் திரு பெரியசாமி ஜீ முன்னிலை வகித்தார். நகர செயற்குழு உறுப்பினர் மற்றும் மாவட்ட பொருளாளர் திரு செந்தில்குமார் ஜீ அவர்கள் இந்த வார வழிபாட்டிற்கு வழிகாட்டும் நெறியாளராக இருந்தார்.

இந்த வார வழிபாட்டு நிகழ்ச்சியில் கீழ்க்கண்ட முக்கிய தீர்மானங்கள் நிறைவேற்றப்பட்டன. அதாவது, வரும் மே 6, 2025 முதல் மே 13, 2025 வரை வீரபாண்டியில் புகழ்பெற்ற ஸ்ரீ கௌமாரியம்மன் கோவில் திருவிழா நடைபெற உள்ளது. இந்த திருவிழா சிறப்பாகவும் அமைதியாகவும் நடைபெற வேண்டும் என்று ஸ்ரீ கௌமாரியம்மனைப் பிரார்த்தனை செய்து ஒரு தீர்மானம் நிறைவேற்றப்பட்டது.

மேலும், காஞ்சி காமகோடி பீடத்தின் 71வது சங்கராச்சாரியாராக ஸ்ரீ சத்ய சந்திரசேகரேந்திர சரஸ்வதி ஸ்வாமிகள் அவர்கள் கடந்த ஏப்ரல் 30, 2025 அன்று அக்ஷய திருதியை நன்னாளில் நியமிக்கப்பட்டது தேனி மாவட்ட இந்து எழுச்சி முன்னணிக்கு பெரும் மகிழ்ச்சியை அளிக்கிறது. துறவறம் பூணுவதற்கு முன்பு துட்டு சத்ய வெங்கட சூர்ய சுப்ரமண்ய கணேஷ சர்மா திராவிட் என்ற பெயரில் அறியப்பட்ட இவர், ஆந்திரப் பிரதேச மாநிலம் அன்னவரம் கிராமத்தைச் சேர்ந்த ஒரு சிறந்த ரிக் வேத பண்டிதர் ஆவார். சன்னியாச தீட்சைக்குப் பின்னர் "ஸ்ரீ சத்ய சந்திரசேகரேந்திர சரஸ்வதி" என்ற திருநாமத்தைப் பெற்ற இவர், வேதங்கள், உபநிஷத்துகள் மற்றும் சாஸ்திரங்களில் ஆழமான ஞானம் உடையவர். மேலும், தெலுங்கானா மாநிலம் பாசரா நகரத்தில் உள்ள ஸ்ரீ ஞான சரஸ்வதி தேவஸ்தானத்தில் ஆசாரியராக பணியாற்றிய அனுபவத்தையும் பெற்றுள்ளார். ஸ்ரீ சத்ய சந்திரசேகரேந்திர சரஸ்வதி ஸ்வாமிகளின் ஆன்மீகப் பணி சிறப்பான முறையில் தொடர இறைவனைப் பிரார்த்திப்பதோடு, இந்து எழுச்சி முன்னணி தனது உளமார்ந்த வாழ்த்துக்களை தெரிவித்துக் கொள்கிறது.

மேலும், சமீபத்தில் பகல்ஹாம் பகுதியில் நடைபெற்ற பயங்கரவாத தாக்குதலில் உயிரிழந்த 28 அப்பாவி மக்களின் ஆன்மா சாந்தியடைய இந்த வார வழிபாட்டில் பிரார்த்தனை செய்யப்பட்டது. மேலும், இதுபோன்ற துயர சம்பவங்கள் மீண்டும் நிகழாத வண்ணம், குற்றவாளிகள் மீது கடுமையான நடவடிக்கைகளை அரசு விரைந்து எடுக்க வேண்டும் என்றும் ஒரு தீர்மானம் ஏகமனதாக நிறைவேற்றப்பட்டது.

தலைமை செய்தியாளர்-பா.விக்னேஷ்பெருமாள்.

WhatsApp Group Join Now