பதுங்கி இருந்த வெளிநாட்டுக் காரர்கள்...! டெல்லி போலீஸ் அதிரடி கைது....!

by Vignesh Perumal on | 2025-04-28 12:59 PM

Share:

பதுங்கி இருந்த வெளிநாட்டுக் காரர்கள்...! டெல்லி போலீஸ் அதிரடி கைது....!

சென்னை புறநகர் பகுதிகளான குன்றத்தூர் மற்றும் மாங்காடு பகுதிகளில் சட்டவிரோதமாக தங்கியிருந்த பங்களாதேஷ் நாட்டைச் சேர்ந்த 30க்கும் மேற்பட்டோரை டெல்லி போலீசார் அதிரடியாக கைது செய்துள்ளனர். இந்த சம்பவம் அப்பகுதியில் பரபரப்பை ஏற்படுத்தியுள்ளது.

டெல்லி போலீசாருக்கு கிடைத்த ரகசிய தகவலின் அடிப்படையில், குன்றத்தூர் மற்றும் மாங்காடு பகுதிகளில் சோதனை நடத்தப்பட்டது. இந்த சோதனையில், முறையான ஆவணங்கள் இன்றி சட்டவிரோதமாக தங்கியிருந்த பங்களாதேஷ் நாட்டைச் சேர்ந்த 30க்கும் மேற்பட்டோர் பிடிபட்டனர். கைது செய்யப்பட்டவர்களில் ஆண்களும், பெண்களும் அடங்குவர் என்று போலீசார் தெரிவித்தனர்.

கைது செய்யப்பட்ட அனைவரும் தற்காலிகமாக கொளப்பாக்கம் பகுதியில் உள்ள ஒரு சமுதாய நலக்கூடத்தில் தங்க வைக்கப்பட்டுள்ளனர். டெல்லி போலீசார் தொடர்ந்து அவர்களிடம் விசாரணை மேற்கொண்டு வருகின்றனர். அவர்கள் எதற்காக சென்னை வந்தனர்? இவர்களுக்கு உதவியவர்கள் யார்? என்ற கோணத்தில் விசாரணை நடைபெற்று வருகிறது.

சட்டவிரோதமாக தங்கியிருந்த இவர்கள், பல்வேறு குற்றச் செயல்களில் ஈடுபட வாய்ப்புள்ளதாக போலீசார் சந்தேகிக்கின்றனர். எனவே, இவர்களது பின்னணி மற்றும் தொடர்புகள் குறித்து தீவிரமாக விசாரிக்கப்பட்டு வருகிறது.

இந்த கைது நடவடிக்கை குறித்து பேசிய டெல்லி போலீஸ் அதிகாரி ஒருவர், "சட்டவிரோதமாக தங்கியிருப்பவர்களை கண்டறிந்து கைது செய்யும் நடவடிக்கை தொடர்ந்து நடைபெறும். முறையான ஆவணங்கள் இல்லாமல் யாராவது தங்கியிருப்பது தெரியவந்தால், அவர்கள் மீது கடுமையான நடவடிக்கை எடுக்கப்படும்" என்று எச்சரித்தார்.

சென்னையில் வெளிநாட்டினர் சட்டவிரோதமாக தங்கியிருப்பது அவ்வப்போது வெளிச்சத்திற்கு வருவது குறிப்பிடத்தக்கது. இந்த நிலையில், டெல்லி போலீசார் அதிரடியாக 30க்கும் மேற்பட்ட பங்களாதேஷ் நாட்டவர்களை கைது செய்திருப்பது பெரும் பரபரப்பை ஏற்படுத்தியுள்ளது. இந்த சம்பவம் தொடர்பாக தமிழக காவல்துறையினரும் விசாரணை நடத்த வாய்ப்புள்ளது.

தலைமை செய்தியாளர்-பா.விக்னேஷ்பெருமாள்.

WhatsApp Group Join Now