மகளிர் உரிமைத்தொகை இல்லை...! துணை முதலமைச்சர் விளக்கம்...!

by Vignesh Perumal on | 2025-04-27 06:43 PM

Share:

மகளிர் உரிமைத்தொகை இல்லை...! துணை முதலமைச்சர் விளக்கம்...!

சென்னை சோழிங்கநல்லூரில் சர்வதேச ஹாக்கி மைதானத்திற்கு அடிக்கல் நாட்டும் விழாவில், தமிழக விளையாட்டு மேம்பாட்டுத் துறை அமைச்சர் உதயநிதி ஸ்டாலின் கலந்துகொண்டு பேசினார். அப்போது, மகளிர் உரிமைத்தொகை திட்டத்தை கடன் தொகையாக பார்க்காமல், நம்பிக்கை தொகையாக பார்ப்பதாக அவர் குறிப்பிட்டார்.

உதயநிதி ஸ்டாலின் தனது உரையில், "மகளிர் உரிமைத்தொகை திட்டத்தை ஒரு கடன் தொகையாக பார்க்காமல், நம்பிக்கை தொகையாக பார்க்கிறோம். இந்த திட்டத்தின் மூலம் வழங்கப்படும் பணம், பெண்களின் சுயமரியாதையை உயர்த்தும். அவர்கள் தங்கள் குடும்பத்தின் பொருளாதாரத்தில் பங்களிப்பு செய்ய முடியும். இது ஒரு புரட்சிகரமான திட்டம்" என்று கூறினார்.

மேலும், "விளையாட்டுத் துறையில் தமிழகம் தொடர்ந்து முன்னேறி வருகிறது. சர்வதேச ஹாக்கி மைதானம் அமைவதன் மூலம், தமிழக வீரர்கள் சர்வதேச அளவில் சிறந்து விளங்க முடியும். விளையாட்டுத் துறையில் தமிழகம் மேலும் பல சாதனைகளை படைக்கும்" என்று உதயநிதி ஸ்டாலின் தெரிவித்தார்.

இந்த விழாவில், சர்வதேச ஹாக்கி மைதானத்தின் மாதிரி வரைபடத்தை உதயநிதி ஸ்டாலின் பார்வையிட்டார். மேலும், விளையாட்டு வீரர்களுடன் கலந்துரையாடினார்.

இந்த மைதானம் சர்வதேச தரத்தில் அமைக்கப்பட உள்ளது. இங்கு சர்வதேச ஹாக்கி போட்டிகளை நடத்த முடியும். இந்த மைதானம் அமைவதன் மூலம், தமிழகத்தில் ஹாக்கி விளையாட்டு மேலும் வளர்ச்சி பெறும் என்று எதிர்பார்க்கப்படுகிறது.

தலைமை செய்தியாளர்-பா.விக்னேஷ்பெருமாள்.

WhatsApp Group Join Now