ஆபாச வீடியோக்கள்...! இந்து எழுச்சி முன்னணி கடும் கண்டனம்...!

by Vignesh Perumal on | 2025-04-27 01:00 PM

Share:

ஆபாச வீடியோக்கள்...! இந்து எழுச்சி முன்னணி கடும் கண்டனம்...!

சமூக ஊடகங்கள் மற்றும் இணையதளங்களில் பெருகி வரும் ஆபாச வீடியோக்கள் மற்றும் காணொளி பதிவுகளுக்கு இந்து எழுச்சி முன்னணி தேனி மாவட்டம் கடும் கண்டனம் தெரிவித்துள்ளது. இது தொடர்பாக அவர்கள் வெளியிட்டுள்ள கண்டனக் குறிப்பில், இன்றைய இளம் தலைமுறையினரை பணம் சம்பாதிக்கும் நோக்கத்தில் கெடுக்கும் வகையில் ஆபாச வீடியோக்கள் வேகமாக பரவி வருவதாக கவலை தெரிவித்துள்ளனர்.

இந்த ஆபாச பதிவுகள் இளம் மனதை திசை திருப்பி, அவர்களின் நற்குணங்களை அழித்து, சமூக ஒழுக்கத்தை பாதிக்கும் நிலைக்கு கொண்டு செல்வதாக இந்து எழுச்சி முன்னணி குற்றம் சாட்டியுள்ளது.

எனவே, மத்திய அரசு மற்றும் மாநில அரசின் தகவல் தொழில்நுட்ப துறை (Ministry of Electronics and Information Technology – MeitY), சைபர் கிரைம் பிரிவு (Cyber Crime Police Department) ஆகியவை இந்த விவகாரத்தில் தங்களது பொறுப்பை உணர்ந்து உடனடியாக செயல்பட வேண்டும் என்று வலியுறுத்தியுள்ளனர்.

அவர்கள் முன்வைத்துள்ள கோரிக்கைகளில் கூறியதாவது: "இந்த ஆபாச வீடியோக்கள் மற்றும் பதிவுகள் தொடர்பாக சம்பந்தப்பட்ட துறைகள் தானாக முன்வந்து வழக்குப் பதிவு செய்ய வேண்டும். அந்த வீடியோக்களை பதிவேற்றியவர்களை கண்டறிந்து உடனடியாக கைது செய்ய வேண்டும். குற்றவாளிகள் மீது கடுமையான சட்ட நடவடிக்கை எடுத்து சிறைத் தண்டனை வழங்க வேண்டும். ஏற்கனவே இணையத்தில் பரவியுள்ள ஆபாச தகவல்களை உடனடியாக நீக்க வேண்டும்.

எதிர்காலத்தில் இத்தகைய சம்பவங்கள் நடைபெறாமல் தடுக்கும் வகையில், சிறப்பு கண்காணிப்பு மற்றும் விழிப்புணர்வு நடவடிக்கைகளை மேற்கொள்ள வேண்டும் என்றும், இந்து எழுச்சி முன்னணி - தேனி மாவட்டம் சார்பாக, இவ்வளவு பெரிய சமூக பாதிப்பை உருவாக்கும் செயல்களுக்கு கடுமையான கண்டனம் தெரிவிப்பதாக அந்த அறிக்கையில் கூறப்பட்டுள்ளது. மேலும், உரிய துறைகள் உடனடியாக செயல்பட்டு நடவடிக்கை எடுக்க வேண்டும் என்றும் அவர்கள் கேட்டுக் கொண்டுள்ளனர். இந்த கண்டனக் குறிப்பு தேனி மாவட்டத்தில் பல்வேறு தரப்பினரின் கவனத்தையும் ஈர்த்துள்ளது.

தலைமை செய்தியாளர்-பா.விக்னேஷ்பெருமாள்.

WhatsApp Group Join Now