மாநகராட்சி கூட்டத்தில் திமுக கவுன்சிலர்களிடையே மோதல்....! கடும் வாக்குவாதம்...!

by Vignesh Perumal on | 2025-04-24 02:26 PM

Share:

மாநகராட்சி கூட்டத்தில் திமுக கவுன்சிலர்களிடையே மோதல்....! கடும் வாக்குவாதம்...!

நெல்லை மாநகராட்சி மாமன்றக் கூட்டத்தில் இன்று (ஏப்ரல் 24, 2025) மேலப்பாளையம் பகுதியில் உள்ள சாலை விவகாரம் தொடர்பாக மண்டல சேர்மனுக்கும் மாமன்ற உறுப்பினருக்கும் இடையே கடும் வாக்குவாதம் ஏற்பட்டது. இந்த மோதல் திமுகவைச் சேர்ந்த இருவருக்கும் இடையே நிகழ்ந்ததால் கூட்டத்தில் பெரும் கூச்சல் மற்றும் குழப்பம் நிலவியது.

கூட்டத்தில் மேலப்பாளையம் மண்டல சேர்மன் பேசுகையில், அப்பகுதியில் உள்ள ஒரு குறிப்பிட்ட சாலை விவகாரத்தில் இரண்டு வார்டுகள் மிகப்பெரிய குழப்பத்தில் இருப்பதாகவும், அந்த சாலையின் எல்லைகள் சரியாக வரையறுக்கப்படாததால் பணிகள் மேற்கொள்வதில் சிக்கல் நீடிப்பதாகவும் தெரிவித்தார்.

இதற்கு எதிர்ப்பு தெரிவித்த குறிப்பிட்ட வார்டைச் சேர்ந்த திமுக கவுன்சிலர், அந்த சாலை தனது வார்டுக்கு உட்பட்டது என்றும், மண்டல சேர்மன் தவறான தகவல்களை கூறுவதாகவும் ஆவேசமாக வாதிட்டார். இதனால் இருவருக்கும் இடையே கடும் வாக்குவாதம் ஏற்பட்டது. ஒருவரை ஒருவர் மாறி மாறி குற்றம்சாட்டிக் கொண்டதால் கூட்டத்தில் பெரும் பரபரப்பு நிலவியது.

மண்டல சேர்மனுக்கும் கவுன்சிலருக்கும் இடையே வாக்குவாதம் முற்றிய நிலையில், மற்ற கவுன்சிலர்களும் இதில் தலையிட முயற்சித்தனர். இதனால் கூட்டத்தில் கூச்சல் மற்றும் குழப்பம் அதிகரித்தது. ஆளுங்கட்சியான திமுகவைச் சேர்ந்த மண்டல சேர்மனுக்கும் கவுன்சிலருக்கும் இடையே ஏற்பட்ட இந்த மோதல், கூட்டத்தில் சிறிது நேரம் பதற்றமான சூழ்நிலையை உருவாக்கியது.

மேயர் மற்றும் பிற மூத்த உறுப்பினர்கள் தலையிட்டு இருவரையும் சமாதானப்படுத்த முயன்றனர். சாலை எல்லை தொடர்பான குழப்பத்தை சரிசெய்ய உரிய நடவடிக்கை எடுக்கப்படும் என்று அவர்கள் உறுதியளித்தனர். இந்த வாக்குவாதத்திற்குப் பிறகு, மற்றப் பிரச்சனைகள் குறித்து விவாதிக்கப்பட்டது. இருப்பினும், ஆளுங்கட்சி உறுப்பினர்களிடையே ஏற்பட்ட இந்த மோதல் மாநகராட்சி வட்டாரத்தில் பரபரப்பாக பேசப்படுகிறது.

தலைமை செய்தியாளர்-பா.விக்னேஷ்பெருமாள்.

WhatsApp Group Join Now