தென்னாப்பிரிக்காவிலிருந்து இந்தியா வருகை தரும் சிவிங்கிப்புலிகள்....!

by Vignesh Perumal on | 2025-04-19 11:07 AM

Share:

தென்னாப்பிரிக்காவிலிருந்து இந்தியா வருகை தரும் சிவிங்கிப்புலிகள்....!

தென்னாப்பிரிக்காவிலிருந்து மேலும் 8 சிவிங்கிப்புலிகள் இந்தியாவுக்கு கொண்டு வரப்பட உள்ளன. இதில் முதல் கட்டமாக 4 சிவிங்கிப்புலிகள் மே மாதம் 2025-ல் இந்தியா வந்து சேரும் என்று எதிர்பார்க்கப்படுகிறது.

இந்த சிவிங்கிப்புலிகள் தென்னாப்பிரிக்காவின் போட்ஸ்வானாவில் இருந்து கொண்டு வரப்பட உள்ளன. முதலில் 4 சிவிங்கிப்புலிகள் மே மாதத்தில் வந்த பிறகு, மீதமுள்ள 4 சிவிங்கிப்புலிகள் பின்னர் கொண்டு வரப்படும்.

இந்தியாவில் சிவிங்கிப்புலிகளின் எண்ணிக்கையை அதிகரிக்கவும், அவற்றின் மரபணு பன்முகத்தன்மையை மேம்படுத்தவும் இந்த நடவடிக்கை எடுக்கப்படுகிறது. இந்த சிவிங்கிப்புலிகள் மத்திய பிரதேசத்தில் உள்ள காந்தி சாகர் வனவிலங்கு சரணாலயத்தில் விடப்படும். ஏற்கனவே குனோ தேசிய பூங்காவில் சிவிங்கிப்புலிகள் விடப்பட்டுள்ள நிலையில், இது இரண்டாவது இடமாக இருக்கும்.

குனோ தேசிய பூங்காவில் தற்போது 26 சிவிங்கிப்புலிகள் உள்ளன. இதில் 16 சிவிங்கிப்புலிகள் வனப்பகுதியில் சுதந்திரமாக சுற்றித் திரிகின்றன. 10 சிவிங்கிப்புலிகள் அடைத்து வைத்து பராமரிக்கப்படுகின்றன. இந்தியாவில் பிறந்த 14 குட்டிகளும் இதில் அடங்கும்.

வனத்துறையினர் செயற்கைக்கோள் ரேடியோ காலர்கள் மூலம் 24 மணி நேரமும் சிவிங்கிப்புலிகளை கண்காணித்து வருகின்றனர். பெண் சிவிங்கிப்புலிகளான ஜுவாலா, ஆஷா, காமினி மற்றும் வீரா ஆகியோர் குட்டிகளை ஈன்றுள்ளன. சிவிங்கிப்புலிகள் திட்டத்திற்காக இதுவரை ₹112 கோடிக்கு மேல் செலவிடப்பட்டுள்ளது. இதில் 67% மத்திய பிரதேசத்தில் சிவிங்கிப்புலிகளை மறுவாழ்வு அளிக்கும் பணிகளுக்காக பயன்படுத்தப்பட்டுள்ளது. குனோ தேசிய பூங்காவிற்கு வரும் சுற்றுலா பயணிகளின் எண்ணிக்கை கடந்த இரண்டு ஆண்டுகளில் இரு மடங்காக அதிகரித்துள்ளது. குனோ தேசிய பூங்காவில் சிவிங்கிப்புலி சஃபாரி தொடங்க அனுமதி கோரி உச்ச நீதிமன்றத்தில் மனு தாக்கல் செய்யப்பட்டுள்ளது.

இந்த புதிய சிவிங்கிப்புலிகள் வருகை, இந்தியாவில் சிவிங்கிப்புலிகளின் மறு அறிமுகத் திட்டத்திற்கு மேலும் வலு சேர்க்கும் என்று எதிர்பார்க்கப்படுகிறது.

WhatsApp Group Join Now