மீண்டும் புதிய உச்சத்தில் தங்கம்...! இல்லத்தரசிகள் அதிர்ச்சி..!

by Vignesh Perumal on | 2026-01-24 12:26 PM

Share:

மீண்டும் புதிய உச்சத்தில் தங்கம்...! இல்லத்தரசிகள் அதிர்ச்சி..!

சர்வதேச சந்தையில் நிலவும் பொருளாதார மாற்றங்கள் மற்றும் புவிசார் அரசியல் பதற்றங்கள் காரணமாக, ஆபரணத் தங்கத்தின் விலை இந்திய சந்தையில் தொடர்ந்து அதிரடியாக உயர்ந்து வருகிறது. சென்னையில் இன்று ஒரே நாளில் சவரனுக்கு ரூ.560 உயர்ந்து, விலை புதிய மைல்கல்லை எட்டியுள்ளது.

நேற்று ரூ.1,16,400-க்கு விற்பனையான ஒரு சவரன் ஆபரணத் தங்கம், இன்று ரூ.560 உயர்ந்து ரூ.1,16,960 ஆக நிர்ணயிக்கப்பட்டுள்ளது.

கிராமுக்கு ரூ.70 உயர்ந்து, ஒரு கிராம் தங்கம் ரூ.14,620-க்கு விற்பனை செய்யப்படுகிறது.

முதலீட்டாளர்களுக்கான 24 கேரட் சுத்தத் தங்கம் ஒரு கிராம் ரூ.15,949-க்கும், ஒரு சவரன் ரூ.1,27,592-க்கும் விற்பனை செய்யப்படுகிறது.

தங்கத்தைத் தொடர்ந்து வெள்ளியின் விலையும் இன்று ராக்கெட் வேகத்தில் உயர்ந்துள்ளது.

ரூ.10 உயர்ந்து ரூ.355-க்கு விற்பனையாகிறது.

நேற்றுடன் ஒப்பிடுகையில் ரூ.10,000 உயர்ந்து, இன்று ரூ.3,55,000 என்ற இமாலய விலையை எட்டியுள்ளது.

சந்தை வல்லுநர்கள் மற்றும் நகை வியாபாரிகள் இந்த அதிரடி உயர்வுக்குப் பின்வரும் காரணங்களைக் குறிப்பிடுகின்றனர்.

உலக அளவில் நிலவும் புவிசார் அரசியல் மோதல்கள் மற்றும் வர்த்தகப் போர் அச்சம் காரணமாக, முதலீட்டாளர்கள் பாதுகாப்பான முதலீடாகக் கருதப்படும் தங்கத்தின் மீது அதிக ஆர்வம் காட்டி வருகின்றனர்.

அமெரிக்க டாலருக்கு நிகரான இந்திய ரூபாயின் மதிப்பு சரிந்து வருவதும், இறக்குமதி செய்யப்படும் தங்கத்தின் விலையை உயர்த்தியுள்ளது.

பல்வேறு நாடுகளின் மத்திய வங்கிகள் தங்களது தங்க கையிருப்பை அதிகரித்து வருவது சர்வதேச சந்தையில் தேவையைக் கூட்டியுள்ளது.

தற்போது தமிழகத்தில் திருமண முகூர்த்த சீசன் நெருங்கி வரும் வேளையில், தங்கம் விலை சவரன் ரூ.1.17 லட்சத்தை நெருங்குவது நடுத்தர மக்களைப் பெரும் கவலையில் ஆழ்த்தியுள்ளது. "விலை குறையும் என்று காத்திருந்த எங்களுக்கு, ஒவ்வொரு நாளும் ஏறும் விலை பெரும் அதிர்ச்சியைத் தருகிறது" என வாடிக்கையாளர்கள் வேதனை தெரிவிக்கின்றனர்.

நிர்வாக ஆசிரியர் - பா.விக்னேஷ்பெருமாள்

WhatsApp Group Join Now