திருவிழாவில் மோதல்...! தீ வைப்பு...! கதறி அழுத உரிமையாளர்....!

by Vignesh Perumal on | 2025-08-02 10:38 AM

Share:

திருவிழாவில் மோதல்...! தீ வைப்பு...! கதறி அழுத உரிமையாளர்....!

வேடசந்தூர் அருகே கோயில் திருவிழாவின்போது ஏற்பட்ட தகராறில், ஒரு தரப்பினர் வைக்கோல் போருக்குத் தீ வைத்ததோடு, ஆடு, மாடுகளையும் அவிழ்த்துவிட்டதால் அவை மலைப்பகுதிக்குள் ஓடின. இதனால் அவற்றை வளர்த்த பெண்மணி கதறி அழுத சம்பவம் சோகத்தை ஏற்படுத்தியுள்ளது.

திண்டுக்கல் மாவட்டம், வேடசந்தூர் அருகே உள்ள ஒரு கிராமத்தில் கோயில் திருவிழா நடைபெற்றது. அப்போது, இரு தரப்பினருக்கு இடையே ஏற்பட்ட மோதல் கைமீறிச் சென்றது. வாக்குவாதம் முற்றிய நிலையில், ஒரு தரப்பினர் ஆத்திரத்தில் எதிர்தரப்பினரின் வைக்கோல் போருக்குத் தீ வைத்ததாகக் கூறப்படுகிறது.

மேலும், அங்குள்ள பட்டியில் அடைக்கப்பட்டிருந்த 5 பசு மாடுகள் மற்றும் 30-க்கும் மேற்பட்ட ஆடுகளையும் அவர்கள் திறந்துவிட்டனர். இதனால் மிரண்டுபோன கால்நடைகள் அருகே இருந்த மலைப்பகுதிக்குள் ஓடின.

வைக்கோல் போர் எரிந்ததையும், கால்நடைகள் தப்பியோடியதையும் கண்ட அவற்றின் உரிமையாளரான ஒரு பெண்மணி கதறி அழுதார். தீ வைக்கப்பட்டதால் வாழ்வாதாரமும், கால்நடைகள் காணாமல் போனதால் எதிர்காலமும் கேள்விக்குறியாகியுள்ளதாக அவர் கண்ணீருடன் தெரிவித்தார்.

இந்த சம்பவம் குறித்து தகவல் அறிந்த காவல்துறையினர், வழக்குப்பதிவு செய்து விசாரணை நடத்தி வருகின்றனர். மேலும், மலைப்பகுதிக்குள் ஓடிய கால்நடைகளைத் தேடும் பணியிலும் அப்பகுதி மக்கள் ஈடுபட்டுள்ளனர்.

நிர்வாக ஆசிரியர்- பா.விக்னேஷ்பெருமாள்

WhatsApp Group Join Now