தமிழகத்தில் 9 ஐஏஎஸ் அதிகாரிகள் இடமாற்றம்..! அரசு அதிரடி உத்தரவு...!

by Vignesh Perumal on | 2025-07-05 11:22 AM

Share:

தமிழகத்தில் 9 ஐஏஎஸ் அதிகாரிகள் இடமாற்றம்..! அரசு அதிரடி உத்தரவு...!

தமிழகத்தில் 9 இந்திய ஆட்சிப் பணி (ஐஏஎஸ்) அதிகாரிகள் பணியிடமாற்றம் செய்யப்பட்டுள்ளனர். இது குறித்த ஆணையைத் தமிழக அரசு இன்று வெளியிட்டுள்ளது. நிர்வாக நலன் கருதி இந்த இடமாற்றங்கள் மேற்கொள்ளப்பட்டுள்ளதாகத் தெரிவிக்கப்பட்டுள்ளது.

அதாவது அரசு வெளியிட்டுள்ள அறிக்கையில் கூறியிருப்பதாவது: "திருமதி வ. கலைஅரசி, இ.ஆ.ப. தற்போது பிற்படுத்தப்பட்டோர், மிகவும் பிற்படுத்தப்பட்டோர் மற்றும் சிறுபான்மையினர் நலத் துறையின் அரசு சிறப்புச் செயலாளராகப் பணியாற்றி வந்த திருமதி வ. கலைஅரசி, இனி மிகப் பிற்படுத்தப்பட்டோர் மற்றும் சீர்மரபினர் நல ஆணையராகப் பொறுப்பேற்பார். இந்த இடமாற்றம், திரு வா. சம்பத், இ.ஆ.ப. அவர்களுக்குப் பதிலாக அமைகிறது. திரு வா. சம்பத், இ.ஆ.ப. மிக மிகப் பிற்படுத்தப்பட்டோர் மற்றும் சீர்மரபினர் நல ஆணையராக இருந்த திரு வா. சம்பத், இ.ஆ.ப., இனி தமிழ்நாடு கதர் கிராமத் தொழில் வாரியத்தின் தலைமைச் செயல் அலுவலராக நியமிக்கப்பட்டுள்ளார். இவர் முனைவர் ப. மகேஸ்வரி, இ.ஆ.ப. அவர்களுக்குப் பதிலாகப் பொறுப்பேற்பார்.

முனைவர் ப. மகேஸ்வரி, இ.ஆ.ப. தமிழ்நாடு கதர் கிராமத் தொழில் வாரியத்தின் தலைமைச் செயல் அலுவலராக இருந்த முனைவர் ப. மகேஸ்வரி, இ.ஆ.ப., நில நிர்வாகம் / நகர்ப்புற நில உச்சவரம்பு மற்றும் நகர்ப்புற நிலவரி இயக்குநராக இடமாற்றம் செய்யப்பட்டுள்ளார்.

திரு அ. ஜான் லூயிஸ், இ.ஆ.ப. தமிழ்நாடு அரசுப் பணியாளர் தேர்வாணையத்தின் தேர்வு கட்டுப்பாட்டு அலுவலராக இருந்த திரு அ. ஜான் லூயிஸ், இ.ஆ.ப., தமிழ்நாடு நுகர்பொருள் வாணிபக் கழகத்தின் மேலாண்மை இயக்குநராக நியமிக்கப்பட்டுள்ளார். இவர் திரு அ. சண்முக சுந்தரம், இ.ஆ.ப. அவர்களுக்குப் பதிலாகப் பொறுப்பேற்பார்.

திரு எ. சரவணவேல்ராஜ், இ.ஆ.ப. தற்போது புவியியல் மற்றும் சுரங்கத் துறை இயக்குநராகப் பணியாற்றி வந்த திரு எ. சரவணவேல்ராஜ், இ.ஆ.ப., பிற்படுத்தப்பட்டோர், மிகவும் பிற்படுத்தப்பட்டோர் மற்றும் சிறுபான்மையினர் நலத் துறையின் அரசு சிறப்புச் செயலாளராக இடமாற்றம் செய்யப்பட்டுள்ளார். இவர் திருமதி வ. கலைஅரசி, இ.ஆ.ப. அவர்களுக்குப் பதிலாகப் பொறுப்பேற்பார்.

திரு சா. விஜயராஜ் குமார், இ.ஆ.ப. இவர் 31.07.2025 அன்று பணி ஓய்வு பெறுவதையடுத்து, பிற்படுத்தப்பட்டோர், மிகவும் பிற்படுத்தப்பட்டோர் மற்றும் சிறுபான்மையினர் நலத் துறையின் அரசுச் செயலாளராகப் பொறுப்பேற்பார்.

திரு த. மோகன், இ.ஆ.ப. உணவுப் பொருள் வழங்கல் மற்றும் நுகர்வோர் பாதுகாப்புத் துறை இயக்குநராக இருந்த திரு த. மோகன், இ.ஆ.ப., இனி புவியியல் மற்றும் சுரங்கத் துறை இயக்குநராகப் பொறுப்பேற்பார். இவர் திரு எ. சரவணவேல்ராஜ், இ.ஆ.ப. அவர்களுக்குப் பதிலாக நியமிக்கப்பட்டுள்ளார்.

திரு சு. சிவராசு, இ.ஆ.ப. முன்னாள் நகராட்சி நிர்வாகத் துறை இயக்குநரான திரு சு. சிவராசு, இ.ஆ.ப., உணவுப் பொருள் வழங்கல் மற்றும் நுகர்வோர் பாதுகாப்புத் துறை இயக்குநராகப் பொறுப்பேற்பார். இவர் திரு த. மோகன், இ.ஆ.ப. அவர்களுக்குப் பதிலாக நியமிக்கப்பட்டுள்ளார்.

செல்வி அ. கேத்தரின் சரண்யா, இ.ஆ.ப. தர்மபுரி மாவட்டத்தின் கூடுதல் ஆட்சியர் (வளர்ச்சி) / திட்ட அலுவலர், மாவட்ட ஊரக வளர்ச்சி முகமையாக இருந்த செல்வி அ. கேத்தரின் சரண்யா, இ.ஆ.ப., தமிழ்நாடு நகர்ப்புற வளர்ச்சி நிதியத்தின் (TNUIFSL) செயல் இயக்குநராக முழு கூடுதல் பொறுப்பில் நியமிக்கப்பட்டுள்ளார்.

மேலும், சென்னை ஆறுகள் மறுசீரமைப்பு அறக்கட்டளை (CRRT) முதன்மைச் செயலாளர் / உறுப்பினர் செயலர் மற்றும் சென்னை நதிகள் புனரமைப்பு நிறுவனம் (Chennai River Transformation Company Ltd.) மேலாண்மை இயக்குநர் பொறுப்பில் திரு இராஜேந்திர ரத்னூ, இ.ஆ.ப. அவர்கள் தொடர்வார்கள் எனவும் இந்த ஆணையில் தெரிவிக்கப்பட்டுள்ளது. ஆளுநரின் ஆணைப்படி, அரசு தலைமைச் செயலாளர் நா. முருகானந்தம் இந்த உத்தரவுகளைப் பிறப்பித்துள்ளார்.

நிர்வாக ஆசிரியர்- பா.விக்னேஷ்பெருமாள்.

WhatsApp Group Join Now