போலி பான், ஆதார் கார்டு தயாரிப்பு...! 6 பேர் கைது...! எங்கன்னு தெரியுமா...?

by Vignesh Perumal on | 2025-05-08 05:04 PM

Share:

போலி பான், ஆதார் கார்டு தயாரிப்பு...! 6 பேர் கைது...! எங்கன்னு தெரியுமா...?

கரூரில் போலியாக பான் கார்டு மற்றும் ஆதார் கார்டுகளை தயாரித்து வந்த கும்பலைச் சேர்ந்த 6 பேரை பயங்கரவாத எதிர்ப்பு சிறப்புப் படை போலீசார் கைது செய்துள்ளனர்.

பயங்கரவாத எதிர்ப்பு சிறப்புப் படை காவல் கண்காணிப்பாளர் பத்ரி நாராயணன் தலைமையில் நடைபெற்ற விசாரணையின் அடிப்படையில் இந்த கைது நடவடிக்கை மேற்கொள்ளப்பட்டுள்ளது. கைதான நபர்கள் கரூரில் தங்கியிருந்து இந்த போலி ஆவணங்களை தயாரித்து விநியோகித்து வந்துள்ளனர் என்பது தெரியவந்துள்ளது.

கைது செய்யப்பட்ட 6 பேரும் பணியாற்றிய இடங்களில் தற்போது பயங்கரவாத எதிர்ப்பு சிறப்புப் படை போலீசார் தீவிர சோதனையில் ஈடுபட்டு வருகின்றனர். இந்த சோதனையின்போது, போலி ஆவணங்கள் தயாரிக்க பயன்படுத்தப்பட்ட உபகரணங்கள், கம்ப்யூட்டர்கள் மற்றும் இதர ஆவணங்கள் கைப்பற்றப்படலாம் என எதிர்பார்க்கப்படுகிறது.

இந்த போலி ஆவண தயாரிப்பு கும்பலுக்கு பின்னணியில் யார் இருக்கிறார்கள், இவர்கள் தயாரித்த போலி ஆவணங்கள் யாருக்கெல்லாம் வழங்கப்பட்டுள்ளன, இதன் மூலம் ஏதேனும் சட்டவிரோத செயல்கள் நடைபெற்றுள்ளனவா என்பது குறித்து போலீசார் தீவிரமாக விசாரித்து வருகின்றனர்.

சமீப காலமாக தமிழகத்தில் போலி ஆவணங்கள் தயாரிக்கும் கும்பல்களின் கைது நடவடிக்கைகள் அதிகரித்து வருவது குறிப்பிடத்தக்கது. இந்த நிலையில், கரூரில் போலி பான் கார்டு மற்றும் ஆதார் கார்டு தயாரித்த கும்பல் பிடிபட்டிருப்பது பரபரப்பை ஏற்படுத்தியுள்ளது. இந்த சம்பவம் தொடர்பாக போலீசார் மேலும் பல தகவல்களை விரைவில் வெளியிடுவார்கள் என எதிர்பார்க்கப்படுகிறது.

தலைமை செய்தியாளர்-பா.விக்னேஷ்பெருமாள்.

WhatsApp Group Join Now