தொட்டபெட்டாவில் அட்டூழியம்..! மயக்க ஊசி போட்டு பிடிக்க வனத்துறை உத்தரவு...!

by Vignesh Perumal on | 2025-05-06 02:31 PM

Share:

தொட்டபெட்டாவில் அட்டூழியம்..! மயக்க ஊசி போட்டு பிடிக்க வனத்துறை உத்தரவு...!

நீலகிரி மாவட்டம் தொட்டபெட்டா காட்சிமுனை பகுதியில் கடந்த சில நாட்களாக முகாமிட்டுள்ள ஒற்றை காட்டுயானையை மயக்க ஊசி செலுத்தி பிடிப்பதற்கு தமிழக வனத்துறை உத்தரவிட்டுள்ளது. இந்த யானை அப்பகுதியில் தொடர்ந்து அட்டூழியம் செய்து வருவதால் இந்த நடவடிக்கை எடுக்கப்பட்டுள்ளது.

கடந்த இரவு முழுவதும் வனத்துறையினர் அந்த ஒற்றை யானையை விரட்டும் முயற்சியில் ஈடுபட்டனர். அடர்ந்த வனப்பகுதி மற்றும் இரவு நேர இருள் காரணமாக யானையை விரட்டும் முயற்சி தோல்வியடைந்தது. யானை தொடர்ந்து அப்பகுதியில் நடமாடி வருவதால் பொதுமக்களுக்கு அச்சுறுத்தல் ஏற்பட்டுள்ளது.

இந்நிலையில், யானையை பிடிக்கும் முயற்சியை தீவிரப்படுத்தியுள்ள வனத்துறையினர், தற்போது ட்ரோன் எனப்படும் ஆளில்லா விமானம் மூலம் யானையை தேடும் பணியில் ஈடுபட்டுள்ளனர். ட்ரோன் கேமராக்கள் மூலம் யானையின் நடமாட்டம் கண்காணிக்கப்பட்டு வருகிறது. யானை எங்காவது தென்பட்டவுடன், வனத்துறை மருத்துவர்கள் மயக்க ஊசி செலுத்தி யானையை பத்திரமாக பிடிக்க திட்டமிட்டுள்ளனர்.

பிடிக்கப்படும் யானையை அடர்ந்த வனப்பகுதிக்குள் கொண்டு சென்று விடுவதற்கான ஏற்பாடுகளும் தயார் நிலையில் உள்ளன. தொட்டபெட்டா பகுதியில் காட்டுயானை நடமாட்டம் அதிகரித்திருப்பது சுற்றுலா பயணிகள் மற்றும் உள்ளூர் மக்கள் மத்தியில் அச்சத்தை ஏற்படுத்தியுள்ளது. வனத்துறையின் இந்த துரித நடவடிக்கை மூலம் விரைவில் யானை பிடிக்கப்பட்டுவிடும் என்று எதிர்பார்க்கப்படுகிறது. தொடர்ந்து அப்பகுதியில் வனத்துறையினர் தீவிர கண்காணிப்பில் ஈடுபட்டுள்ளனர்.

தலைமை செய்தியாளர்-பா.விக்னேஷ்பெருமாள்.

WhatsApp Group Join Now