'இனி', முதல் 7 நாட்கள் இலவச சிகிச்சை...! மத்திய அரசு அதிரடி அறிவிப்பு...!

by Vignesh Perumal on | 2025-05-06 02:16 PM

Share:

'இனி', முதல் 7 நாட்கள் இலவச சிகிச்சை...! மத்திய அரசு அதிரடி அறிவிப்பு...!

நாடு முழுவதும் சாலை விபத்துகளில் சிக்குபவர்களுக்கு இனி முதல் 7 நாட்களுக்கு அல்லது ரூ. 1.50 லட்சம் வரை இலவச சிகிச்சை அளிக்கப்படும் என்று மத்திய அரசு அதிரடியாக அறிவித்துள்ளது. இந்த புதிய திட்டம் விபத்தில் சிக்கியவர்களுக்கு உடனடியாக மருத்துவ உதவி கிடைப்பதை உறுதி செய்வதோடு, அவர்களின் உயிரை காப்பாற்றவும் உதவும் என்று எதிர்பார்க்கப்படுகிறது.

மத்திய சாலைப் போக்குவரத்து மற்றும் நெடுஞ்சாலைத் துறை அமைச்சகம் இந்த புதிய திட்டத்தை விரைவில் அமல்படுத்த உள்ளது. இதன்படி, தேசிய நெடுஞ்சாலைகள், மாநில நெடுஞ்சாலைகள் மற்றும் பிற சாலைகளில் ஏற்படும் விபத்துகளில் காயமடையும் எந்தவொரு நபருக்கும், விபத்து நடந்த முதல் 7 நாட்களுக்குள் அல்லது மருத்துவமனையில் அனுமதிக்கப்பட்டதிலிருந்து ரூ. 1.50 லட்சம் வரையிலான மருத்துவச் செலவை அரசே ஏற்கும்.

இந்த இலவச சிகிச்சையில் மருத்துவமனையில் அனுமதிப்பது, அறுவை சிகிச்சை, மருந்துகள் மற்றும் இதர மருத்துவ உதவிகள் அனைத்தும் அடங்கும். விபத்தில் காயமடைந்தவர் எந்த மருத்துவமனையில் அனுமதிக்கப்பட்டாலும் இந்த இலவச சிகிச்சைக்கான தகுதி பெறுவார்.

இந்த புதிய திட்டம் குறித்து மத்திய அரசு அதிகாரிகள் கூறுகையில், "சாலை விபத்துகளில் பலர் சரியான நேரத்தில் மருத்துவ உதவி கிடைக்காததால் உயிரிழக்க நேரிடுகிறது. இந்த இலவச சிகிச்சை திட்டம் மூலம், விபத்தில் சிக்கியவர்களுக்கு உடனடியாகவும், பொருளாதார கவலை இல்லாமலும் சிறந்த மருத்துவ சிகிச்சை கிடைக்க வழிவகை செய்யப்படும். இது விபத்து மரணங்களை குறைக்கவும் உதவும்" என்று தெரிவித்தனர்.

இந்த திட்டம் நாடு முழுவதும் அமல்படுத்தப்பட்டவுடன், சாலை விபத்துகளில் காயமடைபவர்களுக்கு ஒரு பெரிய நிம்மதி கிடைக்கும் என்று எதிர்பார்க்கப்படுகிறது. அவசர மருத்துவ உதவி பெறுவதில் இருந்த தயக்கம் நீங்கி, உடனடியாக மருத்துவமனையை அணுகுவதற்கு இது ஊக்கமளிக்கும். இந்த புதிய அறிவிப்பு பொதுமக்கள் மத்தியில் பெரும் வரவேற்பை பெற்றுள்ளது.

தலைமை செய்தியாளர்-பா.விக்னேஷ்பெருமாள்.

WhatsApp Group Join Now