தேர்வில் மதுபானம் குறித்த கேள்வி..! சர்ச்சையில் சிக்கிய வினாத்தாள்...!

by Vignesh Perumal on | 2025-05-05 01:10 PM

Share:

தேர்வில் மதுபானம் குறித்த கேள்வி..! சர்ச்சையில் சிக்கிய வினாத்தாள்...!

நேற்று நடைபெற்ற நீட் (NEET) மருத்துவ நுழைவுத் தேர்வில் கேட்கப்பட்ட ஒரு கேள்வி தற்போது சர்ச்சையை ஏற்படுத்தியுள்ளது. அந்த கேள்வியில், பீர், ரம், விஸ்கி, பிராந்தி ஆகிய மதுபானங்களைக் குறிப்பிட்டு, ஈஸ்டில் இருந்து தயாரிக்கப்படும் மதுபானம் எது என்று கேட்கப்பட்டதாகத் தகவல்கள் வெளியாகியுள்ளன.

இந்த கேள்வி மாணவர்கள் மற்றும் பெற்றோர்கள் மத்தியில் கடும் அதிருப்தியை ஏற்படுத்தியுள்ளது. மருத்துவ நுழைவுத் தேர்வில் இதுபோன்ற கேள்விகள் கேட்கப்படுவது முறையல்ல என்றும், இது மாணவர்களின் மனநிலையை பாதிக்கும் என்றும் பலரும் கருத்து தெரிவித்து வருகின்றனர். சமூக வலைத்தளங்களிலும் இதுகுறித்து விவாதங்கள் தீவிரமாக நடைபெற்று வருகின்றன.

தேர்வு எழுதிய மாணவர்கள் சிலர் கூறுகையில், உயிரியல் பாடப்பிரிவில் இந்த கேள்வி இடம்பெற்றிருந்ததாகவும், மதுபானங்கள் குறித்து கேள்வி கேட்கப்பட்டது தங்களுக்கு அதிர்ச்சியளித்ததாகவும் தெரிவித்தனர். மேலும், இதுபோன்ற கேள்விகள் மருத்துவக் கல்விக்கு எந்த வகையில் உதவும் என்றும் அவர்கள் கேள்வி எழுப்பி வருகின்றனர்.

இதுகுறித்து தேசிய தேர்வு முகமை (NTA) இதுவரை எந்த அதிகாரப்பூர்வ விளக்கமும் அளிக்கவில்லை. இருப்பினும், இந்த கேள்விக்கு பல்வேறு தரப்பிலிருந்தும் எதிர்ப்புகள் கிளம்பி வருவதால், என்டிஏ விரைவில் இதுகுறித்து பதிலளிக்கும் என்று எதிர்பார்க்கப்படுகிறது. மருத்துவக் கனவுகளுடன் தேர்வு எழுதிய மாணவர்களுக்கு இந்த கேள்வி ஏமாற்றத்தையும் குழப்பத்தையும் ஏற்படுத்தியுள்ளது குறிப்பிடத்தக்கது.

தலைமை செய்தியாளர்-பா.விக்னேஷ்பெருமாள்.

WhatsApp Group Join Now