வன்னியர் இளைஞர் பெருவிழா மாநாடு..! நிர்வாகிகள் கலந்தாய்வு..!

by Vignesh Perumal on | 2025-05-04 08:23 PM

Share:

வன்னியர் இளைஞர் பெருவிழா மாநாடு..! நிர்வாகிகள் கலந்தாய்வு..!

கரூர் மாவட்டத்தில் நடைபெறவுள்ள வன்னியர் இளைஞர் பெருவிழா மாநாடு குறித்து கரூர் நகர காவல் துறை துணை கண்காணிப்பாளர் தலைமையில் இன்று (மே 4, 2025) கலந்தாய்வு கூட்டம் நடைபெற்றது.

இந்த கூட்டத்தில் பாட்டாளி மக்கள் கட்சியின் (பாமக) கரூர் மாவட்ட நிர்வாகிகள் பலர் கலந்து கொண்டனர். கரூர் மாவட்ட செயலாளர் பி.எம்.கே. பாஸ்கரன், கரூர் மாவட்ட தலைவர் சோ. தமிழ் மணி, கரூர் நகர செயலாளர் ராக்கி முருகேசன், முன்னாள் மாவட்ட செயலாளர்கள் வே. கண்ணன், மாநில செயற்குழு உறுப்பினர் ம. மணி, சமூக நீதி பேரவை மா. செல்வராஜ், மாவட்ட துணைச் செயலாளர்கள் கா. ராஜா, மு. வரதராஜன், மாவட்ட இளைஞர் அணி செயலாளர் மலை முத்து, வழக்கறிஞர் பா. யுவராஜ் உள்ளிட்டோர் கூட்டத்தில் பங்கேற்று மாநாடு நடத்துவது குறித்து விரிவாக ஆலோசனை செய்தனர்.

கூட்டத்தில், மாநாட்டை சிறப்பாக நடத்துவதற்கான ஏற்பாடுகள், இளைஞர்களை அதிக அளவில் திரட்டுவது, மாநாட்டின் முக்கிய நிகழ்வுகள் மற்றும் பாதுகாப்பு ஏற்பாடுகள் குறித்து விரிவாக விவாதிக்கப்பட்டது. மேலும், மாநாட்டிற்கான இடம் தேர்வு, போக்குவரத்து வசதிகள், உணவு மற்றும் தங்குமிடம் போன்ற அடிப்படை தேவைகள் குறித்தும் ஆலோசிக்கப்பட்டது.

கரூர் மாவட்டத்தில் வன்னியர் இளைஞர் பெருவிழா மாநாடு விரைவில் நடைபெற உள்ள நிலையில், இந்த கலந்தாய்வு கூட்டம் முக்கியத்துவம் வாய்ந்ததாக கருதப்படுகிறது. பாமக நிர்வாகிகள் அனைவரும் ஒன்றிணைந்து மாநாட்டை வெற்றிகரமாக நடத்தி முடிப்பதற்கான திட்டமிடல்களை மேற்கொண்டு வருகின்றனர். மாநாடு நடைபெறும் தேதி மற்றும் இடம் குறித்த அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.

தலைமை செய்தியாளர்-பா.விக்னேஷ்பெருமாள்.

WhatsApp Group Join Now