ஜல்லிக்கட்டு போட்டி தேதி குறிப்பிடாமல் ஒத்திவைப்பு...!

by Vignesh Perumal on | 2025-04-29 10:04 PM

Share:

ஜல்லிக்கட்டு போட்டி தேதி குறிப்பிடாமல் ஒத்திவைப்பு...!

திண்டுக்கல் மாவட்டம் நத்தம் அருகே சொறிப்பாறைபட்டி சங்கரன்பாறையில் நாளை (ஏப்ரல் 30, 2025) நடைபெறவிருந்த ஜல்லிக்கட்டு போட்டி தேதி குறிப்பிடாமல் தள்ளிவைக்கப்பட்டுள்ளது. திண்டுக்கல் மாவட்ட நிர்வாகம் சார்பில் இந்த அறிவிப்பு வெளியிடப்பட்டுள்ளது.

சொறிப்பாறைபட்டி சங்கரன்பாறையில் நாளை ஜல்லிக்கட்டு போட்டி நடைபெறுவதற்கான அனைத்து ஏற்பாடுகளும் செய்யப்பட்டிருந்தன. இந்நிலையில், அப்பகுதியில் பெய்து வரும் தொடர் மழை காரணமாக ஜல்லிக்கட்டு போட்டியை திட்டமிட்டபடி நடத்த முடியாத சூழல் ஏற்பட்டுள்ளது.

இதையடுத்து, மாடுபிடி வீரர்கள் மற்றும் காளைகளின் பாதுகாப்பு கருதி, ஜல்லிக்கட்டு போட்டியை தேதி குறிப்பிடாமல் தள்ளிவைக்க மாவட்ட நிர்வாகம் முடிவு செய்துள்ளது.

இது குறித்து மாவட்ட நிர்வாகம் வெளியிட்டுள்ள அறிக்கையில், "சொறிப்பாறைபட்டி சங்கரன்பாறையில் நாளை நடைபெறவிருந்த ஜல்லிக்கட்டு போட்டி மழை காரணமாக தள்ளிவைக்கப்படுகிறது. புதிய தேதி பின்னர் அறிவிக்கப்படும். எனவே, நாளை ஜல்லிக்கட்டு போட்டியில் பங்கேற்க உள்ள மாடுபிடி வீரர்கள் மற்றும் காளை உரிமையாளர்கள் ஜல்லிக்கட்டு நடைபெறும் இடத்திற்கு வர வேண்டாம் என்று கேட்டுக்கொள்ளப்படுகிறார்கள்" என்று தெரிவிக்கப்பட்டுள்ளது.

ஜல்லிக்கட்டு போட்டிக்காக காத்திருந்த மாடுபிடி வீரர்கள் மற்றும் காளை உரிமையாளர்கள் இந்த அறிவிப்பால் ஏமாற்றம் அடைந்துள்ளனர். எனினும், மழை நின்றவுடன் புதிய தேதி அறிவிக்கப்படும் என்று மாவட்ட நிர்வாகம் உறுதியளித்துள்ளது.

தலைமை செய்தியாளர்-பா.விக்னேஷ்பெருமாள்.

WhatsApp Group Join Now