அதிர்ச்சியில் நகைப்பிரியர்கள்...! தங்கம் விலை புதிய உச்சம்..!

by Vignesh Perumal on | 2026-02-23 01:09 PM

Share:

அதிர்ச்சியில் நகைப்பிரியர்கள்...! தங்கம் விலை புதிய உச்சம்..!

உலகளாவிய பொருளாதார மாற்றங்கள் மற்றும் சந்தை நிலவரங்கள் காரணமாக, சென்னையில் இன்று ஆபரணத் தங்கத்தின் விலை முன்னெப்போதும் இல்லாத வகையில் மிகப்பெரிய உயர்வைச் சந்தித்துள்ளது. ஒரே நாளில் சவரனுக்கு ரூ.1,440 உயர்ந்துள்ளது சாமானிய மக்களை அதிர்ச்சியில் ஆழ்த்தியுள்ளது.

இன்று காலை நிலவரப்படி, சென்னையில் ஆபரணத் தங்கத்தின் விலை உயர்ந்துள்ளது. சவரனுக்கு உயர்வு ரூ.1,440 ஆகவும், ஒரு சவரன் தங்கம் ரூ.1,18,880, அதேபோல் கிராமுக்கு உயர்வு ரூ.180 ஆகவும், ஒரு கிராம் தங்கம் ரூ.14,860 ஆகவும் விற்பனை செய்யப்படுகிறது.

கடந்த சில நாட்களாகவே ஏறுமுகத்தில் இருந்து வந்த தங்கம் விலை, இன்று திடீரென சவரனுக்கு ஆயிரத்திற்கும் மேல் உயர்ந்திருப்பது நகை விற்பனையாளர்களையும், இல்லத்தரசிகளையும் கவலையடையச் செய்துள்ளது.

தங்கத்தைத் தொடர்ந்து வெள்ளியின் விலையும் இன்று அதிரடியாக உயர்ந்து புதிய மைல்கல்லை எட்டியுள்ளது.

ஒரு கிராம் வெள்ளி ரூ.300, ஒரு கிலோ வெள்ளி ரூ.3,00,000 (3 லட்சம் ரூபாய்)

வெள்ளி விலை கிலோ 3 லட்சத்தைத் தொட்டிருப்பது இதுவே முதல்முறை எனக் கூறப்படுகிறது. கைத்தொழில் மற்றும் தொழிற்சாலைத் தேவைகளுக்கான வெள்ளியின் தட்டுப்பாடு மற்றும் சர்வதேச சந்தையில் அதன் மதிப்பு அதிகரித்ததே இந்த உயர்வுக்குக் காரணமாகச் சொல்லப்படுகிறது.

சர்வதேச சந்தையில் நிலவும் பதற்றமான சூழல், டாலருக்கு எதிரான இந்திய ரூபாயின் மதிப்பு மற்றும் முதலீட்டாளர்கள் பாதுகாப்பான முதலீடாகத் தங்கத்தைத் தேர்ந்தெடுப்பது போன்ற காரணங்களால் இந்த விலை உயர்வு ஏற்பட்டுள்ளதாகப் பொருளாதார வல்லுநர்கள் தெரிவிக்கின்றனர்.

திருமண சீசன் நெருங்கி வரும் வேளையில், இந்தத் தொடர் விலை உயர்வு நடுத்தர வர்க்கத்தினருக்குப் பெரும் சுமையை ஏற்படுத்தியுள்ளது.

நிர்வாக ஆசிரியர் - பா.விக்னேஷ்பெருமாள்

WhatsApp Group Join Now