சிபிஎஸ்இ பிளஸ் 2 முடிவுகள் வெளியீடு...! மாணவிகள் ஆதிக்கம்...!

by Vignesh Perumal on | 2025-05-13 02:11 PM

Share:

சிபிஎஸ்இ பிளஸ் 2 முடிவுகள் வெளியீடு...! மாணவிகள் ஆதிக்கம்...!

நாடு முழுவதும் சிபிஎஸ்இ 12ஆம் வகுப்பு பொதுத்தேர்வு முடிவுகள் இன்று (மே 13, 2025) ஆன்லைனில் வெளியிடப்பட்டுள்ளன. இந்த ஆண்டு நடைபெற்ற தேர்வில் 88.39% மாணவர்கள் தேர்ச்சி பெற்றுள்ளனர்.

மாணவர்கள் தங்களது தேர்வு முடிவுகளை சிபிஎஸ்இ-யின் அதிகாரப்பூர்வ இணையதளங்களான cbseresults.nic.in, results.cbse.nic.in மற்றும் cbse.gov.in ஆகிய முகவரிகளில் சென்று தெரிந்துகொள்ளலாம்.

வெளியிடப்பட்ட புள்ளிவிவரங்களின்படி, சிபிஎஸ்இ 12ஆம் வகுப்பு தேர்வில் அதிகபட்சமாக விஜயவாடா மண்டலத்தில் 99.60% மாணவர்கள் தேர்ச்சி பெற்று முதலிடத்தில் உள்ளது. குறைந்தபட்சமாக பிரயாக்ராஜ் மண்டலத்தில் 79.53% மாணவர்கள் தேர்ச்சி பெற்றுள்ளனர்.

சென்னை மண்டலம் இந்த தேர்வில் தேர்ச்சி விகிதத்தை பதிவு செய்துள்ளது. சென்னை மண்டலத்தில் இருந்து தேர்வெழுதிய மாணவர்களில் 97.39% பேர் தேர்ச்சி பெற்றுள்ளனர்.

இந்த ஆண்டு சிபிஎஸ்இ 12ஆம் வகுப்பு தேர்வு முடிவுகளில் மாணவிகள் ஆதிக்கம் செலுத்தியுள்ளனர். மாணவர்களை விட மாணவிகள் 5.94% அதிக தேர்ச்சி விகிதம் பெற்றுள்ளனர். 91.64% மாணவிகள் தேர்ச்சி பெற்ற நிலையில், 85.70% மாணவர்கள் தேர்ச்சி பெற்றுள்ளனர்.

சிபிஎஸ்இ தேர்வு முடிவுகள் வெளியானதை அடுத்து, தேர்ச்சி பெற்ற மாணவர்கள் மகிழ்ச்சி தெரிவித்து வருகின்றனர். தோல்வியடைந்த மாணவர்கள் மறு மதிப்பீடு மற்றும் துணைத் தேர்வு குறித்த விவரங்களை சிபிஎஸ்இ இணையதளத்தில் தெரிந்துகொள்ளலாம்.

நிர்வாக ஆசிரியர்-பா.விக்னேஷ்பெருமாள்.

WhatsApp Group Join Now