ஓ.பன்னீர்செல்வம் சந்திப்பதாக திடீர் தகவல்...! அரசியல் வட்டாரங்களில் பரபரப்பு...!

by Vignesh Perumal on | 2025-09-02 02:15 PM

Share:

ஓ.பன்னீர்செல்வம் சந்திப்பதாக திடீர் தகவல்...! அரசியல் வட்டாரங்களில் பரபரப்பு...!

முன்னாள் முதலமைச்சர் ஓ. பன்னீர்செல்வம், சசிகலாவை விரைவில் சந்தித்து ஆலோசனை நடத்தவுள்ளதாக தகவல்கள் வெளியாகியுள்ளன. இந்தச் சந்திப்பு, அதிமுக அரசியல் களத்தில் பெரும் பரபரப்பை ஏற்படுத்தியுள்ளது.

அதிமுகவில் ஏற்பட்ட பிளவுக்குப் பிறகு, ஓ. பன்னீர்செல்வம் மற்றும் சசிகலா ஆகிய இருவரும் வெவ்வேறு அணிகளாக செயல்பட்டு வருகின்றனர். இருவரும் ஒருவரையொருவர் நேரடியாக விமர்சிக்காமல் இருந்தாலும், கட்சியை மீண்டும் ஒன்றிணைக்க வேண்டும் என்ற கருத்தை அவ்வப்போது தெரிவித்து வருகின்றனர். ஏற்கனவே, கடந்த பிப்ரவரி 2024 இல், அண்ணா நினைவிடத்தில் இருவரும் எதிர்பாராத விதமாக சந்தித்துப் பேசிக் கொண்டது குறிப்பிடத்தக்கது.

சமீப காலமாக, எடப்பாடி பழனிசாமி தலைமையிலான அதிமுக மீது சில முக்கிய தலைவர்கள் அதிருப்தியில் இருப்பதாக அரசியல் வட்டாரங்களில் பேசப்படுகிறது. இந்த அதிருப்தியில் உள்ள தலைவர்கள், சசிகலாவை சந்தித்து ஆலோசனை நடத்த திட்டமிட்டுள்ளதாகவும் கூறப்படுகிறது.

இந்தச் சந்திப்பு, அதிமுகவின் பிளவுபட்ட அணிகளை மீண்டும் ஒன்றிணைப்பதற்கான ஒரு முயற்சி என அரசியல் நோக்கர்கள் கருதுகின்றனர். எடப்பாடி பழனிசாமிக்கு எதிராக ஒரு வலுவான கூட்டணியை அமைக்கும் நோக்கில் இந்த சந்திப்பு இருக்கலாம் என்றும் கூறப்படுகிறது. எதிர்வரும் தேர்தல்களை கருத்தில் கொண்டு, ஓபிஎஸ், சசிகலா, டிடிவி தினகரன் ஆகியோர் இணைந்து ஒரு புதிய கூட்டணியை உருவாக்குவதற்கான சாத்தியக்கூறுகள் குறித்தும் விவாதிக்கப்படலாம். இருப்பினும், இது குறித்த தகவல்கள் அரசியல் வட்டாரங்களில் தொடர்ந்து விவாதிக்கப்பட்டு வருகின்றன. ஓ. பன்னீர்செல்வம் தரப்பிலிருந்து சில முக்கிய நிர்வாகிகள் சசிகலாவுடன் ஏற்கனவே பேச்சுவார்த்தை நடத்தி வருவதாகவும் தகவல்கள் தெரிவிக்கின்றன.

நிர்வாக ஆசிரியர்- பா.விக்னேஷ்பெருமாள்

WhatsApp Group Join Now