கடும் வெயில்...! அடுத்தடுத்து மயக்கம்...! தொடர் சிகிச்சை..!

by Vignesh Perumal on | 2025-08-21 01:30 PM

Share:

கடும் வெயில்...! அடுத்தடுத்து மயக்கம்...! தொடர் சிகிச்சை..!

மதுரை பரப்பத்தியில் நடைபெற்று வரும் தமிழக வெற்றிக் கழகத்தின் (தவெக) இரண்டாவது மாநில மாநாட்டில், கடுமையான வெயிலின் காரணமாகப் பல தொண்டர்கள் மயங்கி விழுந்தனர். மாநாடு தொடங்க இன்னும் இரண்டு மணி நேரமே உள்ள நிலையில், இந்தச் சம்பவம் பெரும் பரபரப்பை ஏற்படுத்தியுள்ளது.

மதுரையில் இன்று வெப்பநிலை 102.2°F (39°C) ஆகப் பதிவாகியுள்ளது. கடும் வெயில் காரணமாக, மாநாட்டிற்கு வந்திருந்த தொண்டர்கள் பலர் சோர்வடைந்து மயங்கி விழுந்தனர். மாநாட்டு அரங்கில் உணவு, குடிநீர் வசதிகள் செய்யப்பட்டிருந்தபோதிலும், வெயிலின் தாக்கம் அதிகமாக இருந்ததால், மயக்கமடையும் சம்பவங்கள் அடுத்தடுத்து நடந்தன.

உடனடியாக அங்கிருந்த மருத்துவக் குழுவினர் மயக்கமடைந்தவர்களுக்குச் சிகிச்சை அளித்து வருகின்றனர். வெப்பத்தின் தாக்கத்திலிருந்து அவர்களைப் பாதுகாக்க, நிழல் தரும் இடங்களில் ஓய்வெடுக்கவும் அறிவுறுத்தப்பட்டது.

மாநாட்டுக்கு வரும் தொண்டர்களுக்குக் குடிநீர், மோர், இளநீர் போன்ற நீர்ச்சத்து நிறைந்த பானங்கள் வழங்குவதற்கும், அவசர மருத்துவ உதவிகளைச் செய்வதற்கும் தவெக நிர்வாகிகள் ஏற்பாடுகளைச் செய்துள்ளனர்.

எதிர்பார்ப்புக்கு மாறாக அதிக எண்ணிக்கையிலான தொண்டர்கள் மாநாட்டிற்கு வந்ததால், இந்தச் சம்பவங்கள் நடந்ததாகக் கூறப்படுகிறது. விஜய்யின் வருகைக்காகக் காத்திருக்கும் தொண்டர்கள், கடும் வெயிலிலும் உற்சாகத்துடன் கோஷமிட்டு வருகின்றனர்.

நிர்வாக ஆசிரியர்- பா.விக்னேஷ்பெருமாள்

WhatsApp Group Join Now