"சீமான் ஒழிக", மாநாட்டில் கோஷம்...! உச்சகட்ட மோதல்....!

by Vignesh Perumal on | 2025-08-21 12:42 PM

Share:

"சீமான் ஒழிக", மாநாட்டில் கோஷம்...! உச்சகட்ட மோதல்....!

தமிழக வெற்றிக் கழகத்தின் (தவெக) இரண்டாவது மாநில மாநாடு மதுரையில் நடைபெற்று வரும் நிலையில், நாம் தமிழர் கட்சியின் ஒருங்கிணைப்பாளர் சீமானுக்கு எதிராக "சீமான் ஒழிக" என்று தவெக தொண்டர்கள் கோஷமிட்டனர். இந்த சம்பவம், இரு கட்சிகளுக்கும் இடையிலான அரசியல் மோதலை மேலும் அதிகரித்துள்ளது.

சமீபத்தில், ஒரு நேர்காணலில் பேசிய சீமான், நடிகர் விஜய்யையும், தவெக தொண்டர்களையும் கடுமையாக விமர்சித்திருந்தார். "தளபதி" என்று தொண்டர்கள் கோஷமிடுவது, தமிழர்களின் தலைவிதி எனத் தான் கேட்பதாக சீமான் கூறியிருந்தார். இந்தக் கருத்து சமூக வலைதளங்களில் பெரும் விவாதப் பொருளாக மாறியது.

மதுரையில் நடைபெற்று வரும் தவெக மாநாட்டிற்கு வந்திருந்த தொண்டர்கள், சீமானின் இந்த விமர்சனத்திற்குப் பதிலடி கொடுக்கும் விதமாக, "சீமான் ஒழிக" என்று கோஷமிட்டனர். இது மாநாட்டில் பெரும் பரபரப்பை ஏற்படுத்தியது.

சினிமா உலகில் இருந்து அரசியல் களத்திற்கு வரும் நடிகர்களுக்கு எதிராக, சீமான் தொடர்ந்து விமர்சனங்களை முன்வைத்து வருகிறார். இந்த நிலையில், விஜய்யின் கட்சியான தவெகவின் மாநாட்டில் நேரடியாக அவருக்கு எதிராகக் கோஷம் எழுப்பப்பட்டிருப்பது, இரு தரப்பினருக்கும் இடையிலான அரசியல் மோதலை வெளிச்சம் போட்டுக் காட்டியுள்ளது.

நிர்வாக ஆசிரியர்- பா.விக்னேஷ்பெருமாள்

WhatsApp Group Join Now