ஆணவக்கொலை...! இதுதான் காரணம்...! 3 பேர் மீது வழக்குப்பதிவு...! போலீஸ் அதிரடி...!

by Vignesh Perumal on | 2025-08-17 04:21 PM

Share:

ஆணவக்கொலை...! இதுதான் காரணம்...! 3 பேர் மீது வழக்குப்பதிவு...! போலீஸ் அதிரடி...!

திருநெல்வேலியில் சாதி ரீதியான படுகொலைகள் மற்றும் தாக்குதல்களுக்கு கூர்மையான ஆயுதங்கள் கிடைப்பதே முக்கியக் காரணம் என போலீசார் நடத்திய விசாரணையில் தெரியவந்துள்ளது. இதனைத் தொடர்ந்து, மூலைக்கரைப்பட்டி அருகே சட்டவிரோதமாக அரிவாள்கள் தயாரித்து வந்த இரும்புப் பட்டறை மீது போலீசார் வழக்குப் பதிவு செய்து, மூவரை கைது செய்துள்ளனர்.

திருநெல்வேலி மாவட்டம், மூலைக்கரைப்பட்டி அருகேயுள்ள மேல அரியகுளத்தில், சுடலையாண்டி (72), சேர்மவேல் (60) மற்றும் ராமசுப்பிரமணியம் (25) ஆகியோர் இரும்புப் பட்டறை நடத்தி வந்துள்ளனர். இவர்கள் விவசாயம் சார்ந்த கருவிகள் தயாரிப்பதற்கு அரசு அனுமதி பெற்றிருந்தாலும், சமீப காலமாக சாதி மோதல்களுக்கு பயன்படுத்தப்படும் கூர்மையான அரிவாள்கள், கத்திகள் போன்ற ஆயுதங்களை சட்டவிரோதமாக தயாரித்து விற்று வருவதாக போலீசாருக்கு ரகசிய தகவல் கிடைத்தது.

இந்தத் தகவலையடுத்து, மூலைக்கரைப்பட்டி போலீசார் அந்தப் பட்டறையில் அதிரடி சோதனை நடத்தினர். சோதனையின்போது, அங்கிருந்து பல அரிவாள்கள், கத்திகள் மற்றும் ஆயுதங்கள் தயாரிப்பதற்கான மூலப்பொருட்கள் கைப்பற்றப்பட்டன.

போலீசார் நடத்திய விசாரணையில், இவர்கள் சட்டவிரோதமாக ஆயுதங்களைத் தயாரித்து, சாதி மோதல்களில் ஈடுபடுபவர்களுக்கு விற்பனை செய்தது தெரியவந்துள்ளது. இந்த ஆயுதங்கள் நெல்லை மாவட்டத்தில் அதிகரித்து வரும் சாதி ரீதியான மோதல்களுக்கும், படுகொலைகளுக்கும் காரணமாக உள்ளதாக போலீசார் தெரிவித்தனர்.

இதையடுத்து, சுடலையாண்டி, சேர்மவேல் மற்றும் ராமசுப்பிரமணியம் ஆகிய மூவர் மீதும் போலீசார் ஆயுதச் சட்டத்தின் கீழ் வழக்குப் பதிவு செய்து கைது செய்தனர். இந்தச் சம்பவம், மாவட்டத்தில் இதுபோன்ற சட்டவிரோத ஆயுதத் தயாரிப்பைக் கட்டுப்படுத்துவதற்கான ஒரு முக்கியமான நடவடிக்கையாகப் பார்க்கப்படுகிறது.

நிர்வாக ஆசிரியர்- பா.விக்னேஷ்பெருமாள்

WhatsApp Group Join Now