ஒரே இடத்தில் இருவர்...! குடும்பத்துடன் அன்புமணி...! அரசியல் விவகாரம்...!

by Vignesh Perumal on | 2025-08-16 10:51 AM

Share:

ஒரே இடத்தில் இருவர்...! குடும்பத்துடன் அன்புமணி...! அரசியல் விவகாரம்...!

பாட்டாளி மக்கள் கட்சியின் நிறுவனர் மருத்துவர் ராமதாஸ் அவர்களின் மனைவி சரஸ்வதி அம்மையார் அவர்களின் பிறந்தநாள் இன்று தைலாபுரத்தில் உள்ள அவர்களது இல்லத்தில் கொண்டாடப்பட்டது. இந்த நிகழ்வில், அவரது மகனும், கட்சியின் தலைவருமான மருத்துவர் அன்புமணி ராமதாஸ் தனது குடும்பத்தினருடன் கலந்துகொண்டு தாயாருக்கு வாழ்த்துத் தெரிவித்தார்.

பொதுவாக, மருத்துவர் ராமதாஸ் அவர்களின் பிறந்தநாள் மற்றும் பல்வேறு முக்கிய நிகழ்வுகள் கட்சித் தொண்டர்கள் முன்னிலையில் கொண்டாடப்படுவது வழக்கம். ஆனால், சரஸ்வதி அம்மையார் அவர்களின் பிறந்தநாள் ஒரு குடும்ப விழாவாகக் கொண்டாடப்பட்டது.

இந்த பிறந்தநாள் கொண்டாட்டத்தில், மருத்துவர் அன்புமணி ராமதாஸ், அவரது மனைவி சௌமியா அன்புமணி மற்றும் அவர்களின் குழந்தைகள் கலந்துகொண்டனர். அவர்கள் கேக் வெட்டி, தாயாருக்கு இனிப்பு ஊட்டி, பொன்னாடை அணிவித்து வாழ்த்துகளைத் தெரிவித்தனர். நீண்ட நாட்களுக்குப் பிறகு குடும்ப உறுப்பினர்கள் அனைவரும் ஒரே இடத்தில் ஒன்று கூடியதால், இந்த நிகழ்வு மகிழ்ச்சி நிறைந்ததாக அமைந்தது.

சரஸ்வதி அம்மையாரின் பிறந்தநாளை முன்னிட்டு, பாமக தொண்டர்களும், நிர்வாகிகளும் சமூக வலைதளங்கள் வாயிலாக வாழ்த்து தெரிவித்து வருகின்றனர். 'அம்மாவின் ஆசிர்வாதம், பாமக-வின் வெற்றிக்கு வழிகாட்டும்' என்ற வாசகங்களுடன் பலரும் தங்கள் வாழ்த்துக்களைப் பதிவிட்டு வருகின்றனர்.

சமீபத்தில் பாமக நிறுவனர் மருத்துவர் ராமதாஸ் அவர்களின் 87-வது பிறந்தநாளும் கொண்டாடப்பட்டது. அன்று அவரது மனைவி சரஸ்வதி அம்மையார், தாமரை மலரை பரிசாக அளித்து வாழ்த்து தெரிவித்தார். இது அரசியல் வட்டாரத்தில் பெரும் கவனத்தை ஈர்த்தது. இப்போது சரஸ்வதி அம்மையார் அவர்களின் பிறந்தநாளில், குடும்பத்தினர் ஒன்று கூடி வாழ்த்துத் தெரிவித்திருப்பது பாமக தொண்டர்களுக்கு உற்சாகத்தை அளித்துள்ளது.

நிர்வாக ஆசிரியர்- பா.விக்னேஷ்பெருமாள்

WhatsApp Group Join Now